طفل اكبر من سنينه

كــــان في وسط المدينه...
طفلٍ أكبر من سنــــينه..

والده مات بحنــــانه..
ولاقعد يندب زمانه...

صادق هموم الشوارع ..
يمسح الدمـــع ويصارع ..
طفل لكن كان بارع ..
مات ابوه وجا مكانه ...

يمسح أطراف القوايل عن جبينه ..
يبعد الشمس ويطاردها بيدينه..

طفل أحزانه معالم..
طيب وسمح ومسالم..

يمشي وينوح بصوته ..
يبغى قـــوت أمه وقوته ..

المحارم....المحارم....المحارم ..
المحارم....المحارم....المحارم ..

ولا أقبل الليل ..ورحل وجه النهار ..
راح لامه مثل الأطفال الصغار ..

وأرتمى في ...حظنها ..
أرتمى في....جفنها ..
أرتمى في....حزنها..

وقامت امه تبكي لضيعة سنينه ..
وصـــــاح...يمه
ليه يــاعمري حزينه؟ ..
دمعتك يالغاليه والله ثمينه ..

تحسبين أني حزين؟ ..
لا..و ربي ما ألين ..
من لقى هذا الحنين ..
ينسى حزنه..
ينسى همه...
ينسى حتى العمر كله..
دامــــك أنتي تحترينه..

وفي صباح من صباحات الضياع ..
الحزن قدر يقول له الوداع ..

نـــــــــادت أمه...ماسمع ..
صـــــاحت أمه...مانفع ..
طـــــاحت أمه...مارجع ..

الصغير اللي ملى الدنيا صراع...
مـــــــات ....من كثر الوجع

يسلموو والله حلو الشعر حبيبي والله
استمر ابابداعك
مع تحيات:خالد الصقري cheers

والله خوش شعر ويعطيك الف عافيه

يعافيك وانشاله نستمر بالعطاء دام التشجيع يه منكم

واصلو وانشاله ما تقاطعون ويسلمووو مروركمك