طبق عجييييب وعلى ضمانتي والكل يسأل عنه نصييييييحة جربوووا

عندي لكم طبق عجيب غريب لطيف ظريف
تاكلينه و تدعينلي انشالله
بس مو تدعين علي لا وقفتي على الميزان هاهااهاهاهاهااهاها
بكشخ فيه عليكم اليوم

طبق الدجاج بكريمة الكاتشب :

المقادير :
صدور دجاج .(او دجاجه كامله على راحتج بس الصدور اسهل )
علبة مشروم مقطع شرايح (مشروم فرش من الخضار وايد انكهه )
بصلتين كبار
ثوم
كوب جزر مبشور .
2 علبه كريمه كي دي دي( الزرقاء حاليا الحمراء سابقا ).
نص قرشة كتشب عادي
نص قرشة كتشب حار
فلفل قراش ( بو ديك او بو صقر او بوثلاث جزرات )
2 حبة بطاط
ملح
فلفل اسود

الطريقه :

1- تقطعين صدور الدجاج مربعات صغيرة جدا ثم تسلقينهم مع شوية ملح و هيل ودارسين (قليل جدا) بس عشان تروح الزفرة ( التقطيع قبل السلق عشان تصير مربعات مضبوطه و صغيره ) .
2- تقصين البصل شرايح طولية و تحمسينهم مع ثوم مهروس و زيت و تضيفين الدجاج و الجزر المبشور و المشروم ( يمكن اضافه فلفل اخضر رومي مربعات حسب الرغبة )
3- تضيفين ملح و فلفل اسود و اذا عندج بهار خفيف تبين تضيفينه عادي ( انا احط شوية كاري )
4- بعد ان تنضج جميع المقادير يصف في طبق بايركس .
5- نصب فوق خلطة الدجاج الخليط الاتي : ( بالخلاط الكهربائي 2 علبة كريمه و نص قرشة كتشب حار و نص قرشة كتشب عادي و شويه فلفل قراش و الكتشب الحار اهم شي بهالطبق بس تقدرين تخففين الكمية حسب رغبتج لان الطبق حار ) .
6- تبشرين البطاط بشر ناعم و تقليني بزيت عميق في مقلاة عريضة (تقلين كميات متوسطه عشان ما يتشابك البطاط ) .
7- تصفين البطاط فوق الطبق ( اذا متشابك فلليه بيدك او كسريه و نثريه فوق الطبق و دخليه الفرن ربع ساعه الى عشرين دقيقه .
و بالعافية عليكم

والله حدي يوعان وانتي قاعده اتشهيني خلاص انا رايح اكل ما اقدر انطر
يسلمووووووو

يعطيج العافيه الحين بروح اسويه حدي يوعان

تسلمون عالمرروووور وبألف عاافيه على قلبكـــــــــــم

يسلموووو كلج ذوق انشالله اجرب الطبق
واقولج رايي طبعا رايي حلو لنه منج
كلي ابداعج

يا حظ فلان فيج ويسلموووو خيتو