سعادتنا بيدينا00؟؟

بسم الله الرحمن الرحيم
وشلون تكون سعيد وشلون تحتفظ بابتسامتك اكبر وقت ممكن
كلنا نبحث عن السعاده ...نحاول نكون سعيدين طول العمر
اخواني اخواتي وش تعريف السعاده بنظرتكم؟
صدقوني لو عرفنا نعرف معنى السعاده بنسعد طول العمر

السعاده هي الرضاء بالقضاء والقدر
السعاده هي الصبر بدون ملل
السعاده هي التفكير باللي تملكه قبل التفكير باللي تبي تملكه
السعاده هي انك بنعمه انك تتملك بكل حواسك
السعاده هي انك تملك قلب المسلم اللي ينبض بالحب والوفاء
السعاده هي انك تعرف ان كنزها بيدك



اخواني اخواتي اعضاء المنتدى ليش نزعل ونسخط على شي قدره الله لنا على شي فيه مصلحتنا
ليش مانؤمن بان الله يبي لنا الخير ليش مانكون من الشاكرين لله في السراء والضراء على ماقدره الله لنا
صدقوني هذي هي قمة السعاده

اخواني اخواتي ليش الصبر ماله مكان بحياتنا ليش نستعجل على شي ماندري وش يحمل لنا من خير او شر

اخواني اخواتي السعاده بين ايدينا
ليش دايم ننظر الى الجانب المظلم في حياتنا ليش مانشوف الجوانب المنيره اللي عايشينها
ليش مانستمتع بحياتنا بخيرها وشرها
اليوم انا بصحه وعافيه وبكره مدري وش يخبي لي القدر
استمتع بصحتك واستغلها باللي ينفعك وبكره له يومه
اليوم انا بين اصحابي واحبابي وبكره مدري من اللي بيغيب منهم
عيش هاللحظات مع احبابك عبر عن حبك لهم عن سعادتك بقربهم وخل بكره ترى له يومه
اليوم انا املك شي وبكره مدري وش بافقد
استمتع باللي تملكه تصرف فيه باللي يرضي ربك وبكره له يومه
دائما خل التفاؤل عنوانك شفت شي يكدر خاطرك قل عسى بعد العسر يسر
الانسان نعمته النسيان
الشر انساه بلحظته
والخير استمتع بكل تفاصيله


خل حياتك سعيده بسعادتك بحياتك

اليوم حنا شباب وبكره شياب
استمتع بشبابك لاتندم بكره و تقول وتكرر الا ليت الشباب يعود يوما


الدنيا تاخذنا بسرعه بدون مانستمتع باللي فيها

الحياه صوره جميله تحمل باعماقها وبين خطوطها كل معاني السعاده بس بروازها علينا ...
نقدر نكمل جمال هالصوره ببروازها ويمكن نشوه جمالها هم ببروازها



ابتسموا واستمتعوا بكل لحظاتكم تروا بكره له يومه

يسلموووووووووو على الموضوع حبيبي