عيـن مـن حطيـت عينـي بعينـه
وابطيت واقف في بحر عينـه أمـوج
ابحـرت فـي عينـه بليـا سفينـه
سجيت فيهـا ليـن ضيعنـي المـوج
حاولت .. الد الشوف عمـا يهينـه
ولا انتبهت الا وانـا فيـه ملبـوج
شفت الفتن فـي ملتقـى حاجبينـه
والسحر في عينه مع الزيـن مدمـوج
زاويـه طـرف حاجـز دمعتيـنـه
لولاه كان الخـد بالكحـل ممـزوج
كاسيـه رمـش زاد ملحـه وزينـه
من فوق متكحل ومن تحت مدعـوج
بين الرموش السـود شفـت الغبينـه
واللي رماه الرمش ماعاد لـه بـوج
مـرت ثوانـي مـن حياتـي ثمينـه
وانا اتهـادى بيـن الاشـواق وأدوج
مرت وانـا قابـض علـى راحتينـه
واقف مقابل له وساهـي ومدلـوج
مدري وش اللي صـار بينـي وبينـه
والقلب ماردنـه ضلوعـي العـوج
ولا انتبهـت الا بسحبـت يديـنـه
قال انت تبغى الناس تلحقني هـروج
قلت اعذر اللـي شافـك الله يعينـه
يبطي ودمعه بعـد فرقـاك مزعـوج
عينك بنظـرات الغـلا مستهينـه ؟؟
قال الغلا في داخل القلـب منسـوج
قلت الوعد قال ايه .. كلـش بحينـه
الله يفتح لك مـن الضيقـه فجـوج
قلت آآه .. طيب شف لي الدرب وينه
قال انتبه باقـي علـى شفتـك روج
موضوع: باقـي علـى شفتـك روج 
الإثنين 26 مايو - 1:45
