البارحة كني من الضيق مخنوق ..!!؟

السلام عليكم ورحمة الله وبركاته

أقدم لكم هذه القصيدة عسى ان تحوز على رضاكم ..





البارحة كني من الضيـق مخنـوق
إتشـح نسمـات الهـوا بكسجينـي
بالمختصر قلبـي إذا هـزه الشـوق
يرسل إشارات السهر صوب عينـي
هذا شهر مـا دوج النـوم بالمـوق
كنـي ورا قضبـان كوبـا سجينـي
سبايبك يا مودعـ(ن) قلبي حـروق
ياللي علـى جياتـك أفـرك يدينـي
تركتنـي ياداعـج العيـن مزنـوق
وظـروف بقعـا للهلاك تحديـنـي
صحيح ما يشبهك في الأرض مخلوق
بشويش يـا كيفـي ويـا فيتامينـي
بينك وبين الناس ميـزات وفـروق
زينـك يخبـل عاقـل المسلمينـي
عاقل ولكن بعـد فرقـاك مطفـوق
كسرت مجداف الامـل فـي يدينـي
تعبت اغنيها علـى كـل طـاروق
وازريـت ازينهـا وعيـت تزينـي
بالله عــود ودي أرتــاح وأروق
إلحق ترا الأخـلاق قربـت تشينـي
قلبي عن الخفرات مقفـل ومغلـوق
ماكل أنثى تعتلـي عـرش عينـي